İSİM dünyanın ən yaxşı beyin mərkəzləri siyahısında

ABŞ-ın məşhur Pensilvaniya Universitetinin hazırladığı hesabat BMT-nin Nyu-Yorkdakı ofisində təqdim edildi

Amerika Birləşmiş Ştatlarının Pensilvaniya Universiteti yanvarın 24-də BMT-nin Nyu York ofisində 2010-cu ilin dünya beyin mərkəzlərinin hesabatının təqdimatını həyata keçirib. Qeyd edək ki, hesabat  BMT, İqtisadi  Əməkdaşlıq və Təhlükəsizlik Təşkilatının, eləcə də  bir sıra digər beynəlxalq təşkilatların  dəstəyi ilə hazırlanıb. Hesabat  hazırlanarkən dünyanın 1500-dən artıq aparıcı eksperti arasında sorğu keçirilib. Sorğunun nəticələri qiymətləndirilmək üçün BMT-nin və eləcə də digər beynəxalq təşkilatların ekspertlərinə   təqdim edilib. Sevindirici haldır ki, Azərbaycandan ilk dəfə olaraq İqtisadi və Sosial İnkişaf Mərkəzi Mərkəzi  Şərqi Avropanın 25 ən yaxşı beyin mərkəzi siyahısına daxil edilib. Belə ki, Pensilvaniya Universitetin qiymətləndirməsinə görə, İSİM Mərkəzi Şərqi Avropada 25 ən yaxşı beyin mərkəzindən biridir. Onu da bildirək ki, bu  kateqoriya üzrə Qafqaz və Orta Asiyadan yalnız İSİM  sözügedən siyahıya daxil edilib.

Digər sevindirici məqam İSİM-in dünyada öz ölkəsinin iqtisadi siyasətinə faktiki təsir edə bilən beyin mərkəzi hesab edilməsidir. Universitetin hesabatında  aparıcı beyin mərkəzlərinin, o cümlədən Brukunq İnstitutu,  Peterson İnstitutu, Adam Smit İnstitutu kimi aparıcı qurumların yer aldığı kateqoriyada Mərkəzi Şərqi Avropa və MDB ölkələrindən yalnız iki beyin mərkəzi öz hökümətlərinin siyasətinə pozitiv təsir edən beyin mərkəzləri kimi qiymətləndirilib. Onlardan biri İSİM, digəri Varşavada yerləşən İqtisadi və Sosial Araşdırmalar Mərkəzidir.

Məlumat üçün bildirək ki, hesabat hazırlanan zaman  PPensilvaniyaUniversiteti dünyada 6 480 beyin mərkəzi ilə əlaqə yaradıb.Həmin beyin mərkəzləri hesabat üzrə beyin mərkəzlərinin namizədliyinin verilməsi, eləcə də qiymətləndirilməsi prosesinə cəlb olunub. Yeri gəlmişkən, nəzərə çatdıraq ki, hesabat dünyada beyin mərkəzlərinin qiymətləndirilməsi baxımından ən ciddi hesabat hesab edilir. Belə ki, BMT və digər beynəlxalq təşkilatlar  hesabata önəm verirlər.  İSİM-in belə mühüm  hesabatda yer alması   mərkəzin həm qlobal arenada nüfuzunun qəbul edilməsi, həm də Azərbaycanın bu siyahıda yer alması baxımından əhəmiyyətlidir.

 

Comments
4 Responses to “İSİM dünyanın ən yaxşı beyin mərkəzləri siyahısında”
  1. Malikov says:

    You’re doing a great job! Congrats!

  2. sahib says:

    bu nailiyyet bütün Azerbaycanın sevinci demekdir. Vüqar Bayramov Azerbaycanın fexridir!

  3. Anar says:

    well done! i enjoy your publications

  4. Vusal says:

    Super,Vuqar Bayramovun şərhləri ləzzət eləyir.

Leave A Comment