VCT-lərin Bacarıqlarının Artırılması Proqramı

İqtisadi və Sosial İnkişaf Mərkəzi (İSİM) Aralıq Dənizi Menecment Mərkəzinin tərəfdaşlığı, Avropa Komissiyasının dəstəyi ilə Azərbaycanda vətəndaş cəmiyyəti təşkilatlarının bacarıqlarının artırılması layihəsinin icrasına başlayıb. Proqram vətəndaş cəmiyyəti təşkilatları üçün imkanların artırılması və ümumilikdə sektorun inkişafını dəstəkləmək məqsədi daşıyır. Məqsədlərə eyni zamanda Azərbaycanda vətəndaş cəmiyyəti təşkilatlarının bilik və bacarıqlarının artırılması, müvafiq qiymətləndirmə, inkişaf planlarının yaradılması, vətəndaş cəmiyyətinin üzləşdiyi əsas məsələlər üzrə məlumat və biliklərinin çoxaldılması, debatların sayının artırılması, Azərbaycan vətəndaş cəmiyyəti təşkilatı nümayəndələrinin bilik və bacarıqlarını inkişafı, hərtərəfli dinamik təlim proqramından yerli səviyyədə meydana çıxan təşəbbüsləri irəli çəkmək üçün üstifadə etmək daxildir.

Layihənin xüsusi məqsədi ölkədəki ictimaiyönümlü təşkilatların fəallığının, qərarvermə prosesində onların səlahiyyətlərinin artırılmasıdır. Layihə Salyan, Gəncə, Bakı şəhərlərində fəaliyyət göstərən QHT-ləri əhatə edəcək.

Layihə Azərbaycan vətəndaş cəmiyyəti təşkilatlarına birlikdə çalışmaq üçün bir sıra imkanların yaradılcaq. Təlimçilər üçün təlimlər, bir sıra vətəndaş cəmiyyəti təlimləri, Minilliyinin İnkişaf Məqsədləri ilə bağlı seminar, Beynəlxalq Vətəndaş Cəmiyyəti forumu bütün bunlar Azərbaycan vətəndaş cəmiyyətində inam və əməkdaşlıq mühitini formalaşdırmaq və yaxşı əlaqələr qurmağa xidmət edəcək.

Layihəni ictimayyətə, vətəndaş cəmiyyətinə və hökumət nümayəndələrinə daha açıq, əl çatan etmək üçün onlayn portal artıq istifadəyə verilib.

Konstitutsiya Araşdırmaları Fondunun rəhbəri Əliməmməd Nuriyev isə proqramın QHT sektorunda peşəkarlığın artımında xüsusi rolundan söz açdı. Onun sözlərinə görə, bu sahədə bacarıqların artırılması üçün beynəlxalq təcrübənin öyrənilməsinə ehtiyac var. Xüsusilə qərarların qəbulu və icrasında QHT-lərin təsir imkanlarının genişləndirilməsi üçün addımlar atılmalı, təkliflər irəli sürülməlidir.

Layihə çərçivəsində 8 mövzuda təlimlər keçiriləcək:

1. Azərbaycan Vətəndaş Cəmiyyətinin formalaşması və inkişafı
2. Vətəndaş cəmiyyətində iqtisadi layihələrin hazırlanması və idarəedilməsi
3. Vətəndaş Cəmiyyətində layihələrin planlaşdırılması
4. VCTlərdə Heyəti və Könüllüləri idarə etmək
5. VCTlər üçün Maliyyə Vəsaitinin Toplanması
6. VCTlər üçün Kommunikasiya
7. Vətəndaş Cəmiyyətində Vəkillik və Kampaniya
8. Şəbəkələşmə və Əlaqələrin qurulması

Bizim yeni xəbərlər və təlimlər haqqında məlumat almaq üçün

cso@cesd.az ünvanına yazın və siz avtomatik olaraq yeniliklərdən xəbər tutacaqsınız.

Növbəti Təlim

Növbəti Tədbirlər

Keçmiş Tədbirlər

Media Güşəsi

Qalareya

Linklər

VCT-lərin Bacarıqlarının Artırılması Proqramı